September 12, 2026

Mama Jennifer Simons Opo Joe Ai Sranan na wan kondre nanga furu gudu. Dipi ini a busikondre, gowtu de wan sani di fu langa ten kaba, na wan fu den moro prenspari bron fu moni gi wi kondre.   Dusun dusun sma e wroko gowtu san e yepi fu tya i hori wan prenspari pisi fu a ekonomia fu Sranan na hey.   Ma baka a brenki fu a gowtu, wan dungru se e kibri.   Wan grupu Busikondre kapten fu Brokopondo waka kon miti Stichting Pro Humaniteit bika den abi bigi pina nanga sari fu den san e psa ini den libi-presi.   Den no wani tan tap den mofo moro.   Den no e taki soso gi a yesi fu Busikondre sma.   Den wani sori krin-krin san e psa ini den dorpu ini a gowtu-busi   Ma a boskopu no de gi Marron wawan.   Den e taki nanga ala Srananman en spesrutu nanga president Jennifer Simons nanga den tra tiri-man fu Sranan.   A makti fu den boskopu de krin:   No wan sma musu kan taki moro fara dati en no ben sabi san e psa ini a busikondre.   Pro-Humaniteit arki den boskopu. Den fisiti-man ben kisi ala a okasi fu opo den ati, taki den ondrofeni y den sarii nanga den eigi wortu.   Baka a taki na a kantoro fu Pro-Humaniteit, wan afvaardiging ben go na Brokopondo. Drape den ben de na wan krutu, pe buskundre sma ben taki, arki nanga prakseri makandra abra a notu san e broko en malengri a buskondre.   Ini a busikondre  gowtu-wroko e gro de fu de. Bruya lay. Wrokoman sondro papira fu dorose kondre, Brasjon, snesi-kondre, cuba e waka lontu e suku gowtu. Fufuru man, kiriman de na den midri. Kwik, cyanide, smokkel e pori a  busi en a libi fu Srananman.   Nanga Srananman, yu e feni tu Brazilianen, Sneisman, Guyanezen, Cubanen en sma fu tra kondre ini den gowtu-gebied.